Цаг агаар: 

Өнгөрсөн хоногт: Шөнөдөө Увс нуур болон Дархадын хотгор, Тэс голын хөндийгөөр -30...-35 градус, Хангай, Хөвсгөл, Хэнтийн уулархаг нутаг, Завхан голын эх, Идэр, Туул, Тэрэлж, Хэрлэн голын хөндийгөөр -24...-29 градус, Монгол-Алтайн уулархаг нутаг, Эг-Үүр, Орхон, Сэлэнгэ, Хараа, Ерөө, Туул, Онон, Улз, Халх голын хөндийгөөр -20...-25 градус, говийн бүс нутгийн баруун өмнөд хэсгээр -3...-8 градус, Их нууруудын хотгор, Хангайн нурууны өвөр бэл, говийн бүс нутгийн зүүн өмнөд хэсгээр -9...-14 градус, бусад нутгаар -15...-20 градус хоносон. Булган, Төв,  аймгийн нутгаар цас орсон. Бусад нутгаар цаг агаар тогтуун байсан.

Өнөөдөр: Ихэнх нутгаар солигдмол үүлтэй. Шөнөдөө баруун болон төвийн аймгуудын нутгийн зарим газраар, өдөртөө төвийн аймгуудын нутгийн өмнөд, говийн аймгуудын нутгийн хойд хэсгээр цас орж, зөөлөн цасан шуурга шуурна. Бусад нутгаар цас орохгүй. Говийн аймгуудын нутгийн өмнөд хэсгээр баруун өмнөөс хойш эргэж, бусад нутгаар баруун хойноос секундэд 5-10 метр, нутгийн өмнөд хэсгээр секундэд 12-14 метр хүрч ширүүснэ. Өдөртөө Увс нуурын хотгор болон Дархадын хотгор, Тэс голын хөндийгөөр -18...-23 градус, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр -9...-14 градус хүйтэн, Их нууруудын хотгор, говийн бүс нутгийн өмнөд хэсгээр -3...+2 градус, бусад нутгаар -5...10 градус хүйтэн байна.

Төлөв байдал: 05-нд Хангайн уулархаг нутаг, говийн бүс нутгийн хойд хэсгээр, 06-нд Хангай, Хөвсгөлийн уулархаг нутаг, говийн бүс нутгийн зүүн хэсгээр, 07-нд Хэнтийн уулархаг нутаг болон Халх голын сав газраар цас орно. Салхи ихэнх хугацаанд секундэд 5-10 метр, 6-нд говь, талын нутгаар, 7-нд тал, хээрийн нутгаар секундэд 12-14 метр хүрч ширүүснэ. Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -30...-35 градус, өдөртөө -16...-21 градус, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Хараа, Ерөө, Туул, Тэрэлж, Хэрлэн голын хөндийгөөр -22...-27 градус, өдөртөө -10...-15 градус, говийн бүс нутгийн өмнөд хэсгээр шөнөдөө -6...-11 градус хүйтэн, өдөртөө +2...+7 градус дулаан, Их нууруудын хотгор, говийн бүс нутгийн хойд хэсгээр шөнөдөө -11...-16 градус, өдөртөө +1...-4 градус, бусад нутгаар шөнөдөө -16...-21 градус, өдөртөө -5...-10 градус хүйтэн байна. Хугацааны сүүлчээр хүйтний эрч бага зэрэг суларна.

Улаанбаатар хотод: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор -24...-26 градус, бусад хэсгээр -18...-20 градус, өдөртөө -8...-10 градус хүйтэн байна.

Гал түймэр: Объектын түймэр:

Хөвсгөл аймаг, Алаг-Эрдэнэ сумХатгал тосгоны 6 дугаар багийн “Хайчийн-Ам” гэдэг газар /аймгийн төвөөс хойд зүгт 104 км, Хатгал тосгоноос зүүн урд зүгт 4 км/-тБайшин шатаж байна гэсэн дуудлагыг 03.03-ны өдрийн 08:30 цагт хүлээн авсан.Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчдыг очиход иргэн А-ийн 12х9 метрийн хэмжээтэй байшингийн дээврийн хэсэг шатаж байсныг  ажиллаж унтраасан.

Улаанбаатар хот, Сонгинохайрхан дүүрэг 7 дугаар хороо, Баянхошууны 32 дугаар гудамжинд байшин шатаж байна гэсэн дуудлагыг 03.03-ны өдрийн 10:47 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчдыг очиход иргэн М-ын 8х12 метрийн хэмжээтэй байшингийн дээврийн хэсэг, 3х4 метрийн хэмжээтэй гал тогооны өрөөний эд зүйлс шатаж байсныг ажиллаж унтраасан.

Улаанбаатар хот, Баянгол дүүрэг 11 дүгээр хороо байшин шатаж байна гэсэн дуудлагыг 03.03-ны өдрийн 23:53 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг  очиход иргэн М-ын 6х10 метрийн хэмжээтэй байшингийн дотор эд зүйлс, дээврийн хэсгийн хамт шатаж байсныг ажиллаж унтраасан.Тус гал түймэрт иргэн М/45 настай, эрэгтэй/, М/41 настай, эмэгтэй/, Ц /33 настай, эрэгтэй/ нар өртөж нас барсан байсныг цогцсыг гарган Баянгол дүүргийн Цагдаагийн 1 дүгээр хэлтсийн мөрдөгчид шилжүүлэн өгсөн.

Улаанбаатар хот, Налайх дүүрэг 3 дугаар хороо, Нарангийн 28 дугаар гудамжинд байшин шатаж байна гэсэн дуудлагыг 03.04-ний өдрийн 00:18 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход иргэн Б-ын 8х8 метрийн хэмжээтэй байшингийн залгаа 3х4 метрийн хэмжээтэй үүдний амбаарын дээврийн хэсэг шатаж байсныг ажиллаж унтраасан.

Улаанбаатар хот, Баянгол дүүрэг 20 дугаар хороо автомашины дугуй шатаж байна гэсэн дуудлагыг 03.04-ний өдрийн 00:19 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчдыг очиход иргэн У-ын “Нордбенз” загварын ачааны автомашины чиргүүлийн баруун хойд талын 1 ширхэг дугуй шатаж байсныг ажиллаж унтраасан.

Хүний үйл ажиллагаатай холбоотой осол:

Улаанбаатар хот, Баянгол дүүрэг 20 дугаар дулааны шугамын худгаас хүний цогцос гаргаж чадахгүй байна гэсэн дуудлагыг тус дүүргийн Цагдаагийн 2 дугаар хэлтсээс 03.03-ны өдрийн 19:18 цагт хүлээн авсан.Нийслэлийн Аврах ангийн алба хаагчдыг  очиход  4х4 метрийн хэмжээтэй 3 метр гүнтэй дулааны шугамын худаг дотор нэр, нас, оршин суух хаяг тодорхойгүй эрэгтэй хүний цогцсыг  гарган Баянгол дүүргийн Цагдаагийн 2 дугаар хэлтсийн мөрдөгчид  шилжүүлэн өгсөн.

Завхан аймаг, Тэс сум 7 зорчигчтой суудлын автомашины эвдэрч явах боломжгүй болсон тухай дуудлагыг 03.04-ний өдрийн 02:30 цагт хүлээн авсан.Нисэг багийн “Хондийн дөрөлж баруун сайр” гэдэг газар /аймгийн төвөөс хойд зүгт 340 км, сумын төвөөс хойд зүгт 30 км/-т 7 зорчигчтой суудлын автомашины эвдэрч явах боломжгүй болсон тухай дуудлагыг 03.04-ний өдрийн 02:30 цагт хүлээн авсан. Тус аймгийн Онцгой байдлын газрын Тэс сум дахь Гал түймэр унтраах, аврах 57 дугаар ангийн алба хаагчдыг очиход  өвс, тэжээл хүргэхээр явсан иргэн Э /38 настай, эрэгтэй/-ын “Муссо” загварын суудлын автомашин эвдэрсэн байсныг үлдээж 7 зорчигч /үүнээс 4 хүүхэд/-ийг сумын төв рүү тээвэрлэн авчирч ар гэрт нь хүлээлгэн  өгсөн.

ОНЦГОЙ БАЙДЛЫН ЕРӨНХИЙ ГАЗАР