Монгол Улсад Гал түймэртэй тэмцэх байгууллага үүсгэн байгуулагдсаны түүхт 103 жилийн ойг тохиолдуулан “Бидний аюулгүй байдал өглөөний эхлэл” уриан дор Онцгой байдлын газар, Шуурхай удирдлага зарлан мэдээлэл тасаг, Гал түймэр унтраах, аврах 21 дүгээр ангийн алба хаагчдын дунд хөгжөөнт буухиа тэмцээн зохион байгууллаа.

Тэмцээний нээлтэд Газрын орлогч урьдчилан сэргийлэх тасгийн дарга, дэд хурандаа И.Идэргарав нийт алба хаагчдад Гал түймэртэй тэмцэх байгууллага үүсгэн байгуулагдсаны түүхт 103 жилийн ойн баярын мэнд дэвшүүлж тус тэмцээнд оролцогч баг тамирчдад амжилт хүслээ.

Тус тэмцээнд ур чадвар, авхаалж самбаагаа дайчлан бусдыгаа манлайлан “Тэргүүн байр”-д ахмад Д.Бошхүү ахлагчтай Шуурхай удирдлага зарлан мэдээлэх тасгийн хамт олон, “Дэд байр”-д ахлах дэслэгч Г.Цэцэгхорлоо захирагчтай Гал түймэр унтраах, аврах 21 дүгээр ангийн 4 дүгээр салааны алба хаагчид тус тус шалгарлаа.